「雙馬」馬化騰同馬雲，最近由中國鬥到嚟香港。馬雲旗下支付寶手機錢包公佈，跟化妝品零售商莎莎（178）合作，推出「全店5折」優惠。不過，活動只係畀強國人參加，香港人無緣攞着數。
支付寶同莎莎今日起，一連兩日搞咗個「美妙日」，客人出示兩件粉紅色同藍色嘅物品，就可獲贈兩張「半價優惠價」，每張最多折扣150蚊，但一定要用支付寶畀錢完成交易，亦僅限於銅鑼灣黃金廣場分店。公司講明，「半價」活動僅限內地支付寶實名認證用戶參與，即係話香港人無份。其實，莎莎（178）今年6月已經同馬化騰旗下騰訊（700）簽訂合作協議，喺店內用手機微信埋單，買滿100蚊送10蚊；莎莎𠵱家可謂左右逢「馬」，但最開心嘅肯定係班中國大媽。