周柏豪、盧凱彤、恭碩良及林奕匡前晚在會展舉行MOOV音樂會，柏豪父母及女朋友亦有現身撐場，難得四人一齊開騷，他們表現興奮，一出場先來一個大合唱，柏豪笑說：「大家好，好難得四個人一齊搞呢個音樂會，歡迎嚟到『四個小生開Concert』。」盧凱彤即問柏豪在四個小生中的身份，柏豪笑言：「我梗係最相安無事，負責收音嗰位喇！」恭碩良稱自己沒有眼鏡做不到胡楓，盧凱彤續說：「我同林奕匡落去切蛋糕先。」擺明將謝賢怒摑曾江一事擺上枱。
《一生愛你一個》憑歌寄意
柏豪在台上唱出《一生愛你一個》，似乎憑歌向台下女友寄意。盧凱彤在台上大讚恭碩良：「細細個已經好鍾意聽恭碩良打鼓，嗰陣時已經係佢嘅fans，當時at17做第一張專輯，恭碩良就同我講知我做碟，仲問有乜嘢需要就搵佢幫手，今次同佢合作，覺得好榮幸。」
完騷後他們接受訪問，柏豪和林奕匡被問是否擺四個小生上枱，柏豪說：「講吓笑啫，之前我哋四個人開騷前喺台上面，講邊個做邊個，我成日做訪問都拎咪，當然做收音嗰個。」再問柏豪是否趁機向女朋友示愛，柏豪說：「因為作曲嘅陳光榮係我師傅，鄭伊健就係我偶像，自己唱得多就好熟啲歌詞。」問他是否經常對女友唱情歌，柏豪稱是唱給媽咪聽，再問女朋友又是否鍾意歌，柏豪則說：「我點知？我都未收工。」不過柏豪透露他們平時好少談公事，只會分享開心事，亦坦言一起很開心。
恭碩良在台上演出時，很感觸地表示一直被身邊人質疑，問他此人是否林憶蓮，恭碩良說：「唔係，只不過每個人側邊都有好多人，譬如話你肥、話你瘦，係自己令自己質疑，細細個已經唔聽人講，只係做事憑自己直覺。」
採訪：黃曉妍
攝影：陳慧安