劉嘉玲生意瓣數多，包括葡萄酒、餐廳、夜店等，最新創立首個腕錶品牌「+0 IN MOTION」，取其名字諧音，與不止息的工作、旅遊的生活節奏為品牌名稱。
嘉玲日前在銅鑼灣首度以創作總監身份受訪，直言從未想過踩入鐘錶界，「只不過係年幾、兩年前，我去倫敦認識咗專做手錶同跟Rolex crossover嘅Bamford，喺佢辦公室訂做咗一隻有自己個名、我鍾意嘅元素嘅錶，做出嚟後我好鍾意，覺得做一啲屬於自己image嘅嘢係幾得意。」因此啟發她着手為自家腕錶品牌的類型與價格定位，至於手繪側像的標誌，是一次晚宴上，嘉玲遇上法國鞋履品牌Roger Vivier設計師Bruno Frisoni，要求為她畫肖像，到嘉玲推出「+0 IN MOTION」，便拿來做logo。
走大眾化價錢
新作走運動風，錶面設24小時時刻及秒針兩圈設計和星期顯示，有金、銀、玫瑰金三色，平價是賣點，現於I.T獨家發售，平價定位原來有段古，「十幾年前，有朋友送咗隻日本精工錶畀我，我好鍾意隻錶，金色、輕同埋容易襯，戴得最多就係呢隻錶，咁我覺得都可以做隻靚過呢隻錶，你搵啲好精確錶肉，搵一間好好嘅廠就可以喇。」
設計首個系列時，為了是否使用阿拉伯數字或其他元素，嘉玲推翻了很多設計，老公梁朝偉亦有提供意見，她說：「佢係我其中一個好忠實嘅客戶，無論我生產、設計乜產品，我都會問佢意見，因為佢會好直接、不留餘地。」會否戴情侶錶？她說：「都會拎佢隻銀色錶出嚟戴，佢就應該唔會拎我隻金色，佢低調開。」
未來嘉玲有意推出女性化腕錶，但現時先留意市場反應，亦會在「+0」這個品牌基礎上推出飾物與服裝系列，是否銳意做時尚女王？她說：「冇諗住做女王，係用我嘅人生經驗同品味，同大家分享。」
撰文：林嘉慈
