【本報訊】路政署夜斬般咸道老樹，中西區區議會多名議員炮轟路政署護樹不力，怒斥斬樹決定草率、鬼祟和不專業。路政署代表稱其實石牆和樹木都健康，只是大樹「企唔穩」在石牆上，又以救小孩比喻斬樹具逼切性，「有個小朋友喺馬路上，係咪要通知佢父母再封路先嚟救佢？」
中西區區議會召開特別會議討論般咸道4棵石牆樹被斬問題，路政署高級園景師陳漢祥稱，2013年曾委託專家評估，發現今次被斬的4棵樹中有2棵屬高風險，專家建議了9個方案為樹木提供額外支撐，包括以鋼索穩固樹身並繫於大廈外牆或以支架支撐等，但他指因該處路面狹窄及交通繁忙，故9項措施均不可行。
有區議員質疑部門不知錯，「下下要到唔斬唔得先嚟處理樹木」，議員陳財喜轟政府斬樹決定草率、鬼祟和不專業，「警察又係你，法醫又係你，即係執行驗屍都係你」，擔心如同自己查自己，更即場為樹木默哀一分鐘。
稱危急如孩童亂過馬路
議員許智峯不滿當局一直無通知區議會樹木於2013年時已出問題，亦未有進行救樹措施，批當局「斬樹木，避責任」，要求路政署向市民道歉；有議員狠批路政署在「落刀」前一刻才通知議員，根本無心聽議員意見；陳捷貴更踢爆有般咸道旁大廈業主曾指願意在牆身安裝鋼索以穩固樹木，不明白當局沒有實行此救樹措施。
路政署助理署長林源廣承認石牆和樹木都健康，但最大問題是該數十噸重的樹木無法穩固在石牆。有議員質疑何以健康又要斬？他指是角度問題，「棵樹企唔穩喺石牆上就係問題」。但承認溝通機制有改善空間。陳漢祥則重申當時事態緊急，又舉例指：「有個小朋友喺馬路上，係咪要通知佢父母再封路先嚟救佢？」更反問「係咪見到石牆外移，仲要做諮詢先做嘢？」他強調「我自己都好愛樹木」，但若樹木支撐不穩當就不可以等，不過他最終為太遲通知區議會致歉。
■記者鍾雅宜