曾德成點解特首梁振英炒魷？據政府消息人士放風，原因係德成局長青年工作做得唔好喎！前車可鑑，又難怪替補接任嘅民政事務局局長劉江華，積極爭取年輕人嘅歡心。
繼之前逐一約見各大政黨，包括泛民年輕人，證明唔同政見唔代表唔可以溝通，劉華噚日特別去到一間以社企形式經營、推動聾健共融嘅餐廳，同36位來自18區嘅青少年會面，聽取佢哋有乜意見同訴求。
雖然盛傳劉華做咗民政局長，令副局長許曉暉升呢無望，但許曉暉噚日都有陪劉華出巡，似乎冇受傳言影響合作喎。據聞劉華席間仲自爆英文名叫做Ray，以手語介紹自己時攤開手掌，代表"Rays of sunshine"。