囡囡上台跳舞突失蹤

楊思琦的3歲女兒楊卓穎學習芭蕾舞近一年，芭蕾舞學校前日在灣仔伊館舉行一個頒獎禮，小朋友被安排分組上台表演，剛做完激光矯視手術的楊思琦亦有現身支持愛女。
卓穎初踏台板，與第二代「美心妹妹」Keicy（胡梓盈）的妹妹Kassy一齊扮pizza跳舞，但臨出場前卓穎突然失蹤，嚇到思琦要周圍搵女，思琦笑說：「佢一直好恨上台表演，點知到表演時間就唔見咗佢，好彩後來搵番佢出嚟，原來佢話要喺台側邊跳，漏咗隻鴨仔，笑死咗。」

3歲的卓穎出場唔見影，嚇到思琦及舞蹈導師要周圍搵她。

最後一班小朋友要跳多次，思琦直言囡囡表現較緊張，她說：「見佢成日周圍望好似搵緊我，可能喺陌生環境，佢平時喺班房好活潑同周身郁。但唔緊要啦，唔係比賽，只係攞個經驗，相信下次會好啲。」
採訪：嵐山

卓穎首次踏上舞台表演，獲老師陪伴。