FactWire成功集資後，另一資深傳媒人、《南華早報》前高層楊健興Chris Yeung近日亦同大班鄭經翰籌組名為「Express HK」嘅網上英文評論平台，雖則約一兩個月後個網先正式見人，但平台嘅facebook已經出世（圖），仲以"One Hong Kong, Many Voices"為題。
Chris同八方講，香港嘅英文評論、分析文章，選擇相對較少，所以希望透過呢個平台提供多啲選擇畀大家揀，表明平台冇政治傾向，文章評論香港政治為主，亦會觸及內地同國際。由於平台只提供評論、分析文章，冇採訪部、亦冇稿費畀專欄作家，開支都係花喺營運技術，所以唔會透過公眾集資，現時喺fb嘅文章分別嚟自Chris自己同林和立。