萬達董事長王健林近年好鍾意投資體育事業，繼早排投資西甲足球隊馬德里體育會後，噚日仲玩埋三項鐵人㖭，咁當然唔係話佢參賽喇。萬達係一擲51億元，收購全球最大嘅三項鐵人賽事主辦公司世界鐵人公司（WTC）。
WTC佔全球長距離三項鐵人賽份額91%，公司既係賽事品牌擁有者，又係經營者，淨利潤連續4年複合增長率達到40%咁話。
萬達今次咁大手筆，係覺得要中國企業自己搞，有排都未追得上歐美公司，王老闆又睇好內地市場，預期將會有越來越多強國人有興趣玩，如果可以喺內地舉行賽事，可以刺激埋酒店需求。照咁睇，呢單刁既可以讓王老闆有得威威，又帶動到公司旗下酒店生意囉。