早排新民黨葉劉淑儀因為喺facebook大晒大腸檢查相，證明自己大腸無瘜肉好健康，掀起一場洩露個人身份證號碼嘅小風波，中大校長沈祖堯可能喺葉太眼中，冇咁健康嘞，祖堯BB喺網誌公佈，噚日進行大腸內窺鏡檢查及瘜肉切除手術。
祖堯BB話做咗多年醫生，噚日係第一次接受麻醉手術，本來有啲怕醜，唔想俾同事檢查，但由於年過55歲，不能再逃避，反覆考慮了兩個月，終於下決心喺噚日進行大腸內窺鏡檢查及瘜肉切除手術。
佢話做病人嘅一日，由瞓喺病床上嘅一刻，已感到失去自主權，易地而處，感慨良多，下次向病人解釋腸鏡檢查細節時，必會令病人更安心。