豬肉股雨潤食品（1068）股價深潛，日前仲畀內地報章踢爆，用「腸仔」幫母公司雨潤集團「找街數」。噚日，再有兩間內地傳媒引用雨潤員工消息，反駁「香腸還債」講法，但原因竟然係「食品公司都唔夠錢使」。
日前有報道指，雨潤集團將子公司、香港上市雨潤食品生產嘅香腸，幫另一間從事地產嘅子公司找街數，搞到債仔向報紙投訴。報道噚日出現「羅生門」，網站《界面》引用雨潤食品內部員工指，根本無可能用香腸還債，因為「雨潤食品現在問題也很多，很缺錢」。
不過，《証券日報》有另一個講法，亦引用雨潤食品員工講，公司嚟香港上市後，已經獨立運作，「他們想吃我們一根火腿腸都要先款後貨」，但無提及食品公司經營有無問題。無論如果，事件再次引證唔少中國企業嘅管理手法好得人驚。