謝賢（四哥）怒摑曾江一事，令《4個小生去旅行》引起全城關注，不過幾位老人家到目前為止心情仍未平復，四哥前晚親臨九展支持愛女謝婷婷新戲《有客到》首映禮，訪問尾聲提起曾江名字，四哥說：「唔好提呢個人好唔好。」然後揮揮手笑着離開，四哥似乎餘氣未消。
謝婷婷演出的新戲《有客到》拉姑和四哥都有到場支持，最近四哥成為新聞人物，本來他不想搶鏡，在活動牌側邊低調「攝」入場，最後仍然被記者發現，他應邀一家三口大方合照，更畀面接受訪問，四哥表示專程來支持婷婷，問他心情平復未？他說：「今日唔講呢啲，總之我特登嚟捧佢場，都已經做到第幾部戲啦。」四哥表示不怕鬼，更笑指自己是鬼，因為他經常搞鬼。《4個小生》飯敍被取消，問四哥會否再聚，他說：「睇佢哋幾時得閒，溝通緊，等佢哋得閒度期先。」記者再問四哥會不會約曾江？本來談笑風生的四哥，突然嚴肅起來即刻說：「唔好提呢個人好唔好。」之後再連講三次「好唔好」，他續說：「畀我開心啲好冇。」
《4個小生》摑定先
婷婷對四哥前來撐場感驚訝，她說：「其實爹哋自己話嚟，我都冇時間打畀佢，我都好驚訝。」婷婷被取笑給爹哋搶鏡？她說：「知佢嚟都會係咁。」婷婷表示有看《4個小生》：「見到爹哋好開心，好似細路仔咁笑，開心又活潑，好感動想喊，希望將來有時間同屋企人去旅行。」
《4個小生去旅行》昨晚播到第八集，曾江暗寸四哥不懂錫老婆所以現在沒老婆，四哥聞言即一巴打落曾江的面上，更笑說：「你唔會怪我㗎！」在俄羅斯的旅程中，他們講起前塵舊事，前晚第七集四哥直指當年見到曾江的樣已經不喜歡他，曾江又爆當年和四哥台灣飲花酒被四哥偷銀包獨留舞廳，他說：「諗起都想砌你！」然後一手拍落四哥的鴨嘴帽。
採訪、攝影：王連連
