【本報訊】有港人服用東莞一名中醫師開出的藥丸後懷疑中毒，據知該名中醫師姓沈，記者昨日就事件致電給他查詢，沈自稱是內地合資格中醫師，否認開給病人治療牛皮癬的藥丸含有雄黃或砒霜。
記者轉述香港衞生署的化驗結果後，沈強調：「我由86年賣呢啲藥丸到𠵱家，係自製，裏頭係中藥，成份20幾種藥，有穿山甲、蜈蚣、蠍子及當歸等。我啲藥冇（雄黃、砒霜）呢啲成份，（雄黃、砒霜）內服唔用得，只可以外用藥，唔能夠口服，要公安局批，禁咗好耐。香港人過嚟食呢啲藥有過百人，個個禮拜都有你哋香港病人嚟攞藥，冇人講過有問題，有啲客同時食西藥，我醫咁多人，從來冇損壞肝腎」。
稱治病胸有成竹
對於有病人批評他診症馬虎，沈激動謂：「呢啲病我哋都胸有成竹，銀屑病（牛皮癬）四種類型，唔使把脈，肉眼都睇到，一解衣服都睇到，唔解都望到啦！」最後記者向沈查詢曾修讀的大學名稱，他自稱：「我喺廣州中醫學院讀過書。」惟記者追問他有否畢業時，他不置可否。