靜岡縣的蒲燒鰻魚不嬲都賣到出晒位，而當地的汽水生產商「木村飲料株式会社」，就大膽實行星爺名句：「爭咩丫，兩樣溝埋嚟做鰻魚可樂丫笨。」將蒲燒鰻魚汁的精華加到可樂裏，推出蒲燒鰻魚味可樂。日本人嘅創意，我真係識條魚咩！
這支7月尾在日本推出市面的趣怪可樂，最近被記者發現靜靜矗立在超市的陳列架上，立刻忍唔住買支嚟試下有幾趣。
開蓋，先嗅一嗅，可樂味撲鼻而來，鰻魚味就嗅不到。再倒落杯看看色澤，跟普通可樂沒甚麼不同，也是淺啡色的。立即找人蒙眼試飲，看能否辨認出這是鰻魚味可樂，結果幾位測試者都認不出來。記者親自試飲，覺得一入口時，有小時候吃炭酸可樂糖的那種味道，吞後才有很少很少的鰻魚（腥）甜味。如果自問是｢鰻迷｣，又喜歡挑戰新事物的話，也許可以試下。不知道遲點會否有生蠔可樂、鮑魚可樂、海膽可樂……
記者：黃子卓
攝影：楊錦文
