將要為一帶一路大顯身手、向阿爺大騷「老鼠仔」嘅新民黨主席葉劉淑儀前日生日。為咗慶祝踏入65歲、可以申請長者卡嘅佢同愛女Cynthia去咗歐洲度假。Cynthia訂咗一間餐廳同媽咪慶祝，食西班牙海鮮飯。
葉劉呢個旅程其中一站係直布羅陀（Gibraltar），去到當然四處欣賞風景、去地標影相，部份相片由於閃燈嘅問題，被網民笑係P圖，話好似係key上去咁。
葉劉話，直布羅陀係英國海外屬土之一，區旗上有一把鎖匙，據說象徵此地係通往地中海、大西洋以及非洲嘅關鍵地點，多年嚟係英國與西班牙一直爭奪嘅地方，係「兵家必爭之地」。