一般人要去火星，怕且未來幾十年都冇乜機會，但如果只係要自己個名降落火星，其實真係唔難喎！八方留意到香港太空館嘅facebook貼咗段消息，話美國太空總署（NASA） 搞緊活動，送你個名喺2016年升空登陸火星。
NASA計劃喺2016年發射「洞察號 （InSight）」探測器去火星，𠵱家只要到以下網址 http://mars.nasa.gov/participate/send-your-name/insight/ ，登記名稱同電郵，NASA就會將你個名刻喺矽晶片上面，同洞察號一齊去火星，NASA仲會向參加者發出通知及虛擬登機證。成個活動至9月8日結束，截至噚日8點已經2,600幾個港人登記咗喇！