由「八叔」羅騰祥創辦嘅大家樂（341），傳畀四子、即現任首席執行官（CEO）羅開光（Sunny）後，規模越做越大。
公司噚日宣佈，同羅開光有堂叔姪關係嘅羅德承（Peter），獲升職為副首席執行官，唔通為接替就快60歲嘅Sunny鋪路？
現年53歲嘅羅德承，升職前職位係業務拓展行政總裁，即係英文嘅GM，主要負責大家樂近年越開越多嘅新品牌，代表作包括滬菜餐廳「上海姥姥」。
通告話，羅德承1996年加入集團，舊年升做GM時，年薪132萬元。
羅德承今年再上一層樓後，未計花紅同董事袍金，Peter份糧會勁升一倍到276萬元。
大家樂公關話，嚟緊Peter會協助堂叔羅開光管理集團整體業務發展及營運，亦都會繼續兼顧原有嘅職務。