一連六場何韻詩「十八種香港HOCC 2015」演唱會前晚在伊館完滿結束，何韻詩的父母和同性密友鄧九雲連日來都有現身支持，還有劉培基和廣播處前處長張敏儀。 曾兩度入紙紅館被拒的阿詩，完騷後更直言：「我會繼續入紙紅館，總之試到80歲都會繼續試。」
在最後一晚的「毛記電視勁曲金曲優秀選2015」，終於頒獎給黃耀明和何韻詩的合唱金曲《明光會》，明哥現身後，台下觀眾發出歡呼聲，接着再宣佈明哥得到「西貢區最受歡迎男歌手」，而阿詩則奪得「西環區最不受歡迎男歌手」，明哥搞笑地高呼造馬，阿詩說：「造馬就梗，其實要做最受歡迎歌手，某啲制度下困難，但係覺得自己做好自己，至少我係你哋最受歡迎歌手之一。」說罷兩人便合唱《明光會》。
周國賢感觸落淚
阿詩與一位於50年代曾經在香港拍了不少黑白紀錄片的Michael Rogge連線外，國際級音樂大師坂本龍一，亦拍了一條短片，寄語香港人繼續努力，為自己繼續堅持。阿詩在尾聲說：「行到呢一步，好多人關心和擔心我，都唔知幾時開始，呢個世界去到講自己相信嘅事實都會得到懲罰，作為一個成年人，公眾人物和歌手，我有責任話畀年輕人聽，可以做認為冇錯嘅事，自己相信嘅事，咁做係冇錯嘅，好彩身邊有好多好好嘅人幫我，呢個係屬於香港人嘅演唱會。」最後以一曲《勞斯．萊斯》謝幕，周國賢亦從Panel位行出來與阿詩合唱，周國賢突然感觸落淚。
完騷後問阿詩首次拎男歌手獎的感受，她哈哈大笑地說：「終於畀我攞到，反而女歌手仲未攞到。」至於下一站的演出地點，她則說：「唔會喺咁大場地，生活化啲，落唔同區，但係唔會做快閃，可能農場，工廠等唔同表演場地，想搵啲小眾嘢去試，畀大家新鮮感。」
採訪：馬建華
