環球股市周一爆發股災，港股單日跌逾千點，惟昨日亞洲交易時段美股期貨回升，加上南北韓從戰爭邊緣臨岸勒馬，原以為港股可借勢大反彈，殊不知上午「係咁兒」彈600點，下午開市便倒跌，最終雖然回升，但升幅只有153點。
港股反彈力度軟弱固然慘，個多月來一直得到國家隊「悉心照顧」的內地股市更慘，滬指繼周一跌穿「救市底」，周二再跌穿3000點重大心理關口，周一、周二兩日合共跌15%，創自啟用漲跌停制度後兩日最大跌幅紀錄。滬指重要關口穿完又穿，內地親中央傳媒更言之鑿鑿指中證監已放棄「唯指數論」，救市國家隊「光榮撤離」？基金朋友笑謂，中央早已無說救市，何來現在才「光榮撤離」？
他說：「你有聽到中央話繼續救市咩？一早就冇講啦，唔好再幻想中央出手喇！一早都話救市冇用㗎啦，你話畀我知，救股市嚟做乜？唔通救完股市，中國經濟就會好？股市跌到盡咪識升囉，當然，人行減息救經濟，搞到人仔係咁貶值，何處是盡頭？」飛流直下三千尺，疑是銀河落九天。
密西比