今日有單新聞係咁嘅：「彭博引述消息指，本周為止中國暫停干預股市，決策者正權衡推出空前救市措施之利弊，以及下一步舉措。消息又指，部份領導人認為股市規模相較整個經濟體太小，不足以導致危機。同時，也認為救市措施成本太高。」
領導先走符合國情
如果我將第二段翻譯做有聲post，應該係咁「冇事嘅，A股好細好細之嘛，邊有咁勁搞冧中國經濟啊，你咪生人唔生膽啦。知唔知救市最大問題係乜？貴呀！唔好嘥錢啦。」
你暴力救市咗咁耐，搞到一鑊泡，而家先話要評估自己暴力有咩影響？唔好玩啦！你強姦完人，先思考強姦有乜後果？
之前又話「改革牛」、「政策牛」，「4000點只是A股牛市的開端，一萬點才符合中國夢。」講咗一堆又一堆假大空嘅說話。而家你又同我講，A股好細嘅，唔救都唔會有事啦。阿爺，你有病嗎？今次最符合國情嘅就係「讓領導先走」。領導就走晒，緊係唔救都冇事啦，而家先嫌貴？貪完斂完揸乾完就拍拍籮柚閃，話知你班大媽水魚死，告訴我，呢個點解唔係一個天仙局？
「5000點不是夢」？一句洗腦式口號，就由「掠水五千」天仙局，令A股正式擺出一個「弱水三千」hi hi陣。
知唔知中國槓桿有幾大？美銀美林之前估救市過，槓桿融資近4萬億人仔！蝴蝶效應聽過未？未就上網搵番《連鎖蝶變》睇返。
股市跌激起千重浪
OK，你話中國一年GDP為60萬億人仔，4萬億人仔好少箒。不過，今年上半年金融業產值，貢獻GDP為9.9%。產值同上年比增長17%，足足比中國GDP增長7%（如果呢個數係真嘅）有突。有人估算過，如果上半年金融業增速維持上年10%嘅，咁中國上半年早就「七字不保」。
股市跌，金融業都唔掂，一石激起千重浪。邊個白癡竟然會講得出，股市細就唔會危及經濟？我切咗你個屁股（正確來講，係個腦）呀，睇下你會唔會痛呀？你叫人放棄治療A股，我勸你勿放棄治療。
千頌C
http://fb.com/winbigwok
本欄隔周三刊出