香港人，又可以流連摩天輪多一陣咯！發展局建議，合約原定明年6月屆滿嘅香港摩天輪，會延續中環現址用途多一年至2017年中，香港摩天輪發言人彭毅信梗係歡迎啦，仲話佢哋好有信心搞得好，因為直至今年8月中，摩天輪已經招待咗超過65萬名乘客，而佢哋舊年12月5日開幕時，曾經預期過首年會招待過百萬人，所以佢哋好有信心達標。而且呢，原來摩天輪已經引入兩架美食餐車，並已經開始營業，彭毅信話喎，會繼續投資增加更多設施。
另外，𠵱家搞緊荔園SUPER SUMMER嘅場地亦可繼續搞其他活動，為期3年到2020年。香港人咁怕悶，搞多啲活動等大家開心吓都好。