一講起領展（823，前稱領匯），大家通常只係諗起佢瘋狂加租，逼走小商戶，好少留意佢有做其他好人好事，聽領展行政總裁（CEO）王國龍所講，原來佢哋幾年前推出一個叫做「愛．匯聚計劃」，每年撥捐上一個財政年度嘅物業收入淨額最多0.25%作慈善用作，舊年捐咗750萬元，今年預算捐出1,000萬元。
領展今年其中一個捐款活動，係跟本港中學合作，目標係選出100名成功入讀大學、而佢哋上兩代人都冇讀大學嘅學生，每名學生可獲2萬元以作鼓勵。
王國龍話，當初推行呢個「愛．匯聚計劃」一啲都唔容易，因為要從物業收入淨額撥出部份資金，所以要得到基金股東同意，佢當時就要向80名基金股東逐個講解，好在辛苦最終都有回報。