韋斯咸前鋒迪亞法沙高月初因為家暴被捕，但佢上仗對般尼茅夫都有正選踢，不過呢位25歲塞內加爾前鋒不知悔改，因為恐嚇會殺死自己女友，再俾英國警方拘捕，保釋期間再生事，睇嚟真係幾麻煩。雖然英國傳媒報道，韋斯咸現階段仲力撐佢，而且球迷亦對沙高好愛戴，但如果接連招惹官非，對自己身心，以及球會形象都有影響；已經兩連敗嘅韋斯咸真係頭痕。