沈震軒「太花弗」 老闆洗米華下令停工

沈震軒「太花弗」 老闆洗米華下令停工


沈震軒自2013年入太陽娛樂,起初事業發展都唔差,不時戲接戲做吓男配角,仲出埋唱片,昨日有周刊指,沈震軒唔得大老闆周焯華(洗米華)歡心,講沈震軒「形象花弗」,就算係Paco(黃柏高)嘅愛將都被掟入雪櫃,目前全面停工。

據報道表示,沈震軒本來喺歌影視發展,但佢一向緋聞不絕,喺大台拍劇就同蔡思貝、龔嘉欣傳過緋聞,之前又拍咗《喜愛夜蒲2》做男配角,同劉羽琦有唔少床戲,「夜蒲花弗形象」令人深刻,暫時冇得接新job,今年4月出首張大碟都係得幾場簽名會,疑被掟入雪櫃,周刊都有問過沈震軒,不過佢就未有回應。