車路士喺星期日驚險咁以3:2擊敗西布朗，成功開齋。英國傳媒就拍到主帥摩連奴完場後向球場收音咪狂吼，加上新兵柏度洛迪古斯全場一傳一射表現對辦，睇嚟賽前備受壓力嘅佢暫時可以鬆一口氣。不過，車路士隊長泰利就因為侵犯荷西朗頓，而領紅提早離場，令佢連續兩場都踢唔夠90分鐘。賽後摩帥就話唔會就呢張紅牌上訴，仲讚揚球隊打少一人時仍然控制戰局，並有機會射入第四球，對球隊嘅決心好滿意喎。
另外，車路士新紅人柏度洛迪古斯喺星期一就返左母會巴塞隆拿，開咗個記招同大家正式告別，唔少巴塞球星好似美斯、恩尼斯達同蘇亞雷斯都有出席，認真畀面！柏度就話巴塞會常在佢心，不過就唔認為巴塞會掛住佢，因為佢哋已經有好多出色球員喎！