農曆七月講乜嘢好，梗係鬼啦。如果你係喪屍fans，呢個消息一定開心「死」你，就係據講今年海洋公園哈囉喂全日祭，會同美國神級喪屍電視劇《The Walking Dead》（陰屍路）合作呀！
估計最少有一間鬼屋有《The Walking Dead》主題，場景、嘩鬼都可能會同套劇有關，唔知會係棄置嘅醫院定係工廠呢？唔少得嘅梗係一班喪屍啦，失驚無神衝出嚟咬你。海洋公園公關唔肯證實呢個消息，只係話最快應該周四有公佈。周四？咪就係盂蘭節，咁應節呀？知唔知《The Walking Dead》劇名原意唔係指班喪屍，而是指一班生還者㗎？到時會有幾多人嚇到真係變Walking Dead呢？