雖然立法會主席、民建聯曾鈺成講到明2017年唔會選特首，但唔選都可以做花生友㗎箒。噚日曾主席喺網誌以「惡鬥難免」為題撰文話，過去3屆特首選舉，首兩屆都冇互揭陰私、冇負面宣傳，屬君子之爭，特別提到煲呔2007年爭連任時，只面對梁家傑挑戰，而嗰次係預知賽果，雙方冇動機要將對方置之死地，所以係一場比較理念、口才嘅君子之爭。
至於2012年、梁振英同唐英年嗰場特首選舉呢，曾主席話嗰種「你死我活」嘅爭奪，惡劣情況記憶猶新；他意有所指質疑，「（屆時）是現任行政長官在無對手之下自動連任？還是有競選但預知結果的君子之爭？抑或是另一場你死我活的惡鬥？」