【飲食籽：識飲惜食】
有錢人家中常備乾鮑，我等普通家庭，家中儲備了少許的，是罐頭鮑。罐頭鮑的產地有很多，日本ICC、墨西哥車輪鮑，都是當中的名牌，索價近千元。親民一點，有近年流行的南非鮑，彈牙有嚼頭，肉質卻滑，正是前華姐陳爽愛用的罐頭鮑。
數年前，陳爽嫁入了海味世家，丈夫幾代都從事海味生意，花膠、海參的事懂得多了，惟獨乾鮑叫她一頭霧水，「我見老爺奶奶煮鮑魚，每次都很大陣仗！又浸又燜又加湯，要花好幾天時間。」搞不掂，理還亂，所以陳爽獨愛罐頭鮑，「即開即食，好方便！」而且罐頭鮑的變化亦多。她私藏了一個懶人鮑食譜，為泰式涼拌鮑魚。
事先把罐頭鮑原罐放入雪櫃雪一小時，另一邊廂把魚露、麻油、青檸、檸檬溝成醬汁，再加入切細了的葱、香茅、番茄、洋葱，然後取出鮑魚切成小角，再添少許罐頭內的鮑魚汁，全部一起拌勻即成，是道簡單又好味的前菜。
鮮鮑浸糟鹵當薯片
要平食鮑魚，鮮鮑是最最最便宜的。現時街市的鮮鮑主要是來自大連的九孔鮑或是南非鮑，尤以前者較受歡迎，一斤不過百餘元，家常食用最好不過。
鮮鮑一般用來清蒸或用來炒，然而鮮鮑的食法其實多得很，食家兼留家廚房的老闆劉晉愛把鮮鮑弄成醉鮑魚作零食。做法超簡便，先把鮑魚蒸熟，取出浸冰水，攤涼後放在醃料中。醃料是從上海南貨店買回來的糟鹵，加點薑葱及玫瑰露來增加香氣，放入鮑魚浸一晚即成，易過借火。閒時醃多一點，可以放入玻璃瓶或保鮮盒，在雪櫃儲存兩星期，平常當宴客的頭盤、零食、睇波的宵夜，一流！
記者：陳詠敏
攝影：陳永威、潘志恆、許先煜
編輯：陳國棟
美術：孔文彬