風水師蘇民峰今年巧威威，佢年初估計港股今年先升後跌，特別要留意新曆5月6日同埋8月8日，指呢兩個日子之後，股市形勢有變，點知真係畀佢講中晒，港股7月初暴瀉後，近日再嚟環球股災，恒指噚日插水式下跌。
既然蘇師傅算得咁準，喺呢個股市風雨飄搖嘅日子，佢又去咗邊樹呢？答案係印印腳外遊去了。蘇師傅近日喺自己facebook晒命，原來佢坐商務艙飛咗去澳洲滑雪，要落實每月一遊，認真恨死隔籬。
佢po咗幾張滑雪酒店嘅相片，呢間酒店似乎相當唔錯，蘇師傅話行出酒店就可以上山滑雪，好爽。不過蘇師傅都唔係淨係掛住玩，佢都有keep住睇網民留言，蘇師傅早前話股市跌得多都會入市，有網民問佢入咗市未，佢答話上星期五入咗。
蘇師傅呢個答案會唔會畀到定心丸大家呢？