梁家榮接替鄧忍光任廣播處長，據港台《舊日的足跡》主持車淑梅透露，梁家榮本月7日履新翌日本來放假，也專程返港台巡視十分勤力。淑梅昨在電話中說：「我問佢周末唔係放假咩？佢話自己係新仔，希望趁公餘時間摸熟啲路，同同事打吓招呼。以前我哋處長多數喺辦公室，𠵱家呢個四圍走好唔同，好勤力。我同佢講話做傳媒要中立，覺得佢唔係黃色又唔係藍色，點知佢同我講：『我都唔係紅色㗎！』」
此外，淑梅前日《舊日的足跡》播出亞視執行董事葉家寶訪問，家寶指新投資者6年前已想買亞視。淑梅說：「家寶話新投資者今年初聽到亞視有事，就買咗7,000小時珍藏，畀咗啲錢亞視出糧。」
採訪：魯吉