戰勝睪丸癌嘅香港保齡球icon胡兆康（圖）宣佈復出！康仔噚日精神奕奕咁亮相南華會保齡球場，出戰香港公開賽外圍賽；其實佢嚿年三月接受治療後已經好番，咁啱今年冇大賽打，由一月開始養病嘅康仔話：「大病過後更珍惜家人同朋友，更想繼續享受打保齡球。」康仔打完今次香港站，會隨港隊去菲律賓、印尼同中東參賽，今站目標就係先晉身禮拜六嘅精英賽六強梯級賽。