由偲嫣BB擔任創黨主席嘅「正義聯盟黨」噚日出動，可惜竟然唔係由偲嫣BB帶隊，吸引力大減喎！約10名正義聯盟黨成員噚日去到《信報》大樓抗議，指該報今個月12日刊登一篇評論偲嫣BB參政嘅文章，有侮辱同歧視女性參政嘅成份，話偲嫣BB已向撰文者黎則奮同《信報》發律師信，要求公開道歉及賠償。可能因為係當事人，偲嫣BB唔現身啦。
原來黎則奮嗰篇名為〈以毒攻毒 以牙還牙〉嘅文章，批評偲嫣BB「以撐警大聯盟旗號胡天胡帝……早已把堂堂男子漢的香港警隊變成『英雄氣短』的小丈夫」，仲話佢組黨參政最大實際政治效用，係發揮「豬欄效應」羞辱本港各黨各派喎。