廣告寵兒的美心妹妹楊鎧凝（Celine），在上月因為寫真集《童萌時光》中有部份照片意識不良而成為全城焦點，更有市民報警投訴，結果寫真要下架兼交由重案組處理，事後楊母被斥當囡囡係搖錢樹，受千夫所指，美心妹妹一直迴避出席公開活動，本月中楊母更亦在大台節目中，聲淚俱下稱為事件感後悔。
王友良全程陪伴
停工近一個月的美心妹妹，昨日終於復工，她應王友良之邀請，出席他在尖沙嘴舉行的新歌發佈記者會，王友良全程陪伴美心妹妹，她在台上表現一貫精靈，對答如流兼經常面露笑容，反而楊母則留在後台直到活動完結仍未有現身，只安排女友人為囡囡擔任攝影師。活動後王友良與美心妹妹齊齊接受訪問，美心妹妹被問有否緊張？她反問大家：「緊張乜嘢？」她表示對寫真風波事件未有覺得驚，亦未有太大的感覺。她還說：「我唔知媽咪有冇唔開心，但如果媽咪唔開心，我會講I love you。」
下月開學將升小二的美心妹妹，未知是否有連串暑期活動，再加上今次寫真風波的關係，似乎比以前略為消瘦，她說：「拉高咗嘛，我𠵱家高1米10，係咪可以玩過山車？我靠游水拉高咋，我唔想全班最矮，以前幼稚園，小一我都係排第一，𠵱家升小二，未確定係咪排第一。」再問美心妹妹假如開學時有同學追問寫真集一事，又會怎樣回答？她笑說：「等我諗諗先。」
暑假義務拍MV
在旁的王友良稱今次找美心妹妹拍MV是義務，連禮物亦沒有送給她，談到今次邀請美心妹妹出席的原因，他說：「我哋傾咗一段時間，我諗住不如喺暑假期間，出嚟見大家一次，之後返學畀番空間佢，唔好影響其他同學同老師正常生活。」王友良亦否認楊母怕被追問而留在後台，同時亦力撐楊母絕非當囡囡是搖錢樹，他說：「佢好錫囡囡，陪佢睇卡通，關係好好，中間可能有誤會，唔係外間講乜嘢都講錢，好似今次乜嘢錢都冇提過，亦冇聽過Celine告假，會話放學後先可以做嘢。」此外，松岡李那在記者會完結後才現身，到場後一臉尷尬。
採訪：溫敏芝
攝影：葉君海
