【本報訊】「好大煙，走唔到！」由於火警來得突然，再加上火勢猛烈，駿昇閣住客頓陷惶恐之中，有住客沿樓梯逃生，至15樓起火樓層，卻被濃煙所阻被迫折返，情況狼狽。
居住20樓的黃婆婆表示，當時濃煙沿門罅湧入，她心知不妙，打開門更是吃驚：「好大煙，走唔到！」她曾嘗試逃生，但走廊濃煙越積越厚，她感到呼吸困難，於是折返：「個女打畀我話唔使怕，唔好走出屋外，閂實晒啲門窗。」最後黃婆婆由消防員帶落樓下，慶幸有驚無險。
「有火球飛過窗外」
另一住客張先生表示，從21樓逃生，當時樓梯已很大煙，他掩着口鼻而下，越近15樓黑煙越濃，因擔心不適暈倒，決定選擇返回單位等候救援。另一住客麥先生指當時情況頗混亂，樓梯都是倉皇逃生的人：「冇諗咁多，走咗先算。」
亦有低層住客表示，曾見火球飛過窗外，走出走廊嗅到強烈燒焦味，始知樓上火警，他落樓時見到空地滿是逃生的街坊，有些全家穿着睡衣，或帶着愛犬逃生。另一住客猶如餘悸說：「火光熊熊，燒得好厲害，仲聽到幾次爆炸聲，自己都好驚。」
■記者文兆麟