【後市添憂】
大市隨時再爆斬倉潮！港股面臨新一波大插市，證券界經歷7月8日股災日後，普遍已收緊孖展成數，並停止再做細價股孖展，加上業界指上周五港股六連跌時，已不斷致電客戶補倉、即「call孖展」，相信今日不會出現股災日前後的大型斬倉潮，惟期指倉問題較難控制，估計大市要失守21000點，才會出現明顯斬倉潮。
耀才證券（1428）在上周六美股暴瀉翌日，向客戶發出短訊要求留意戶口的資金情況，以免遭追收欠款及強制平倉。該行銷售總監許繹彬表示，集團向來有美股暴瀉即發出短訊的內部指引，是例行程序，並指部份期指客戶眼見上周五美股大跌市後，已自行平倉，並指是次跌市與股災有別，「上次輸投機者，今次輸投資者，即係蟹嘅人多，但斬嘅人唔多」。
致富投資銷售部董事郭家安則表示，目前市場最壞估計大市今日在21600至21800點水平開市，由於普遍證券行在股災後已做好風險控制，加上上周五已率先提醒客戶留意倉位，估計不會重演股災日的斬倉潮，「除非跌到二萬一，如果唔係就問題唔大」。