早前加盟美職聯球隊蒙特利爾衝擊嘅前車路士球星杜奧巴，原來喺上周六唔聲唔聲上演咗佢嘅「地標」戰，不過球隊就喺主場以0:1不敵費城聯，連續三場不勝。後備入替上陣31分鐘嘅巴哥，雖然有為隊友製造機會，不過兩次射門都唔中龍，暫時似乎作用有限喎。不過蒙特利爾衝擊主帥高路柏斯叫大家畀啲時間魔獸，畢竟佢已接近兩個月冇正式比賽，仲讚揚佢球場內外嘅貢獻添！