立法會暑假後復會，焦點當然係特首梁振英嘅心肝寶貝創科局會唔會喺財委會闖關成功？
既然獲CY委任為創新及科技諮詢委員會委員之一，中文大學校長沈祖堯當然都要做吓啦啦隊護航一番。
祖堯BB噚日朝早出席一個青少年科技創新大賽研討會前就話，相信成立創科局，有助本地青年喺創意同發明上有更好嘅發展環境，強調創科局可以協調唔同政府部門、學界以及工業界喺科研方面嘅發展。
不得不佩服嘅係祖堯BB政治敏感度好高，所以問到創科局因為政治因素未能成立時，祖堯BB話自己從事教育，唔知道點樣解決政治因素，「你問多我幾次，我都係唔識答」，咁就唔使得失立法會拉布派咯。