楊張新悅與丈夫楊哲安有共同的教學理念，周邊都是「怪獸家長」，他們依然保持自己的原則，楊張新悅昨日受訪時說：「我哋覺得現今香港，小朋友要學好多嘢，搵所謂嘅名校，係破壞咗教育本身價值。我大女今年讀小一，我哋冇畀佢考過任何學校，我哋係跟政府機制，大抽獎，我唔相信入名校、永遠要攞一百分係好，反而覺得越攞得多越唔好，人生冇可能永遠一百分。每間學校都係悉心教育，我注重品德、家庭同有空間去認識自己，呢樣嘢最重要。」
李嘉慧女讀拔萃
楊張新悅更有自我一套面試方法：「我唔會去參加乜面試班，我每日都同佢哋做『面試』，教佢哋明白事理，識表達自己同溝通，做個誠實、對社會有貢獻嘅人，我唔介意佢輸，因為輸得起。」
此外，已為三女之母的名模李嘉慧，兩位女兒已經入讀女拔萃小學，她主張的是愉快中學習，她說：「講面試嘅事已經係幾年前，我最想佢哋喺愉快中學習，𠵱家讀書最緊要畀心機聽書，我覺得留心聽好書，好過出面補習，佢哋𠵱家成績都OK，兩個課餘會學游水同網球。」當年面試時有否壓力？她說：「壓力唔算有，之前準備工夫做足就唔會有壓力。」
採訪：栐仁