【本報訊】規劃署前規劃師薛國強向城規會建議取消中環至金鐘段電車，更豪言「我行路可能快過搭電車」。有網民遂在facebook發起「人對電車8.6公里比賽」，比賽昨日清晨舉行，40多位參賽者由西環堅尼地城吉席街的電車總站起步，與電車比拼至跑馬地總站，結果僅3男1女跑贏電車，九成人包括有全馬經驗的跑手皆落敗。
比賽在清晨5時12分隨頭班車一聲「叮叮」開跑，電車一起步已拋離大部份選手，但在選手力追下，加上電車多次上落客，跑手在西營盤一度輕微領先。直至金鐘，電車反超前，大部份選手只能目送電車離去。
讚電車有速度具效率
電車「成績」約38分鐘，最終只有4名跑手快過電車。勇奪冠軍的林先生全程由頭帶到尾，成績為32分鐘，雖然他擁有4年跑全馬經驗，但只比電車快約6分鐘。他認為電車兼具速度和載客效率，而真正佔用大部份路面的是私家車，因此反對取消電車。
有跑全馬選手慨嘆：「呢班已經係有跑開嘅朋友，都只有少過十分之一有辦法追到電車……嗰啲話行路快過電車嘅，真係噏得就噏！真係應該邀請呢啲人嚟跑一次。」
■記者黎志偉