【澳門直擊】前晚英皇在澳門舉行15周年演唱會，容祖兒、謝霆鋒、古巨基、張敬軒、林峯、陳偉霆（William）等傾巢而出，蔡卓妍（阿Sa）和鍾欣潼（阿嬌）合組的Twins及張致恒和關智斌的Boy'z重現舞台。着紅色大花裙的祖兒壓軸登場演繹《女皇》，昨日張敬軒在社交網貼紅、黑瓷器的相片，似足兩人身上的戰衣，他更抵死留言：「瓷器與缸瓦……搵嗰兩張死人圖搵咗好鬼耐！」
之前祖兒接受內地訪問，坦言男友劉浩龍（師兄）不獲媽咪歡心，自己夾在中間感到吃力，前晚祖兒被問及此事時，似乎想將大事化小：「媽咪婚姻唔係咁美滿，係為我將來緊張箒，唔代表啲乜。」問祖兒怎樣拉近男友和媽咪的距離？她無奈說：「畀啲時間去認識囉，冇特別安排見多啲，最緊要媽咪身體好，開唔開心會分開處理。」
下月祖兒和李克勤合作在紅館開騷，祖兒說：「我哋有貼身舞，有啲舞我要壓個身埋去，雖然我係微波爐，不過佢都好怕醜。」提到歌迷陳詠釿在曼谷爆炸中不幸逝世，她說：「唔開心咗幾日，因為佢太年輕喇，平時活動佢都會捧場，好sweet。」
林峯睇時機結婚
此外，林峯和祖兒可說同病相憐，事關吳千語傳遭男友林峯家人反對，最近有指千語BB向男友催婚，前晚林峯笑說：「呢啲吹咗好多次，吹水個吹，我工作排到出年，一定工作為上，未去到嗰個moment，都係睇timing，總之我淨係想小朋友10歲時，我仲有能力同佢打波。」問林峯是否想似堂妹林夏薇結婚般低調？他說：「同屋企人慶祝就得。」
採訪：盧妹
攝影：陳俊強