西班牙小島球隊馬略卡新季搵前車路士右閘費拿（左）返嚟執教，希望重返甲組。新官上任三把火，費拿上任後就定咗唔少規矩畀球員，好似要11點前瞓、唔准髮型太出位、搭隊巴唔可以用耳機；呢啲都叫正路，最搞笑係規定球員唔可以偷球會嘅廁紙同健康飲品！其實冇聽過話西班牙廁紙特別貴，而且職業球員人工都唔會太差，照計又點會貪小便宜偷廁紙呀。