千呼萬喚，由夏天未開始講到暑假就嚟完，一直喺YouTube睇片見美國人玩得勁過癮的滑水道Slide The City，昨天終於在脗德郵輪碼頭正式開幕。旅遊籽記者入場直擊，睇睇呢條足足1,000呎長，長過三個標準足球場的滑水梯到底有幾瘋狂。
現場所見，千呎長的滑水道於脗德郵輪頭沿岸鋪設，據大會代表表示，滑水道斜度約1:20，只屬微斜，他們強調設計要考慮安全問題，需依照美國標準。買了無限次任玩門票的Barbara大嘆：「唔夠長，唔夠斜，淨係值$80!」
現場所見水流似乎太小，滑行速度不高，滑畢全程大約一分鐘左右，職員謂下午開始水量會有改善，估計滑夜場最過癮，兼可欣賞維港景色。
除了滑水道，現場還設有曬太陽區、駐場DJ打碟、表演舞台、沖身設施、餐飲區，還有啤酒售賣，完全是個盛大的玩水party！活動即日起至星期一，而星期一僅餘小量門票，要玩就把握最後機會。
如果錯過咗，愉景灣大白灣沙灘都有個長11米，近三層樓高的巨型滑水梯，只要身高超過1.3米就玩得，重點係免費任瀡，本月30日或之前去仲趕得切。
Slide The City源於美國，這個水上樂園的特色是設於鬧市街頭，不用專程去主題樂園，都可於繁囂的都市滑住抖暑。活動2013年於鹽湖城首次舉辦，於歐美巡迴超過100個城市再席捲亞洲，包括首爾、深圳等，下月便會殺入台灣宜蘭。
不過大家最常找到滑水梯的地方，都是於水上樂園。各式各樣的滑水梯，無論露天定水管形、斜到無倫定轉到陀陀擰，梗有一款啱你合尺。而全球最長的滑水梯位於美國新澤西州的Action Park，全長600米。玩家以時速35至40公里從山腰衝落山腳，要用超過一分鐘先過終點，但最快等到下年先開，想玩就畀少少耐性等吓啦。
大會交通安排：
1)九巴特別專線：油塘港鐵站(茶果嶺道)來往脗德郵輪碼頭
班次：每10分鐘
車費：$9.4
2)九巴路線5R：牛頭角港鐵站來往脗德郵輪碼頭(星期一除外)
班次：每30分鐘
車費：$6.7
3)小巴路線86：德福花園來往脗德郵輪碼頭
班次：每5-10分鐘
車費：$5.5
網址： http://slidethecity.hk/
記者：梁慧琳、曾冠輝
攝影：潘志恆