新一季西甲上周五開鑼，由馬拉加主場對西維爾；西維爾雖然係上季歐霸盃冠軍，加上歐超盃同巴塞隆拿踢成4:4，到加時先至輸波，但今場就由龍變蟲，全場受壓於主隊；馬拉加全場有25次射門，西維爾好彩有龍門比圖力挽狂瀾，先至保住不失而賽和0:0。另外，今季由史篤城來投西維爾嘅防中尼桑斯（右），首場西甲就兩黃一紅被逐，就真係夠晒難忘。