亞視出年不獲續牌，藝人買少見少，不過亞視仍堅持有金主，有資金、加製作、增人手，未知是否天方夜譚之前，前日蔡國威和劉錫賢表示會續約亞視一年，張家瑩就心郁郁，據知早前推出「A記」 免費電視網絡頻道，被指惡搞數臭亞視的秦啟維，因該事件惹怒新金主，因而不獲亞視續約。
昨日本報記者致電秦啟維，他表示月底滿約，到現時為止亦未收到續約通知，他說：「唔知關唔關上次嗰啲事？我8月31號約滿，佢真係冇搵我傾，好少咁遲。上次件事真係唔關我事，我同家寶道咗歉，家寶都接受。」
雖然秦啟維在亞視22年，離開並不是絕路，他說：「A記都有嘢搞緊，可能有另外一啲路數，不過好多未成事實。」當下維維最緊要是要計清楚長期服務金，他說：「我希望可以攞到，佢唔會咁衰，佢唔簽我，預咗啲錢畀我。」
採訪：非非