今日65歲生日的譚詠麟（阿倫）、79歲的謝賢（四哥）和少年食神Michael昨日在銅鑼灣為一家拉麵店開幕任剪綵嘉賓，四哥最近因掌摑事件做了新聞人物，在四哥用力扑開酒桶時，身旁的阿倫抽水說：「我係嚟恭喜佢，佢仲有心有力！」之後四哥以狀態不佳為由拒絕受訪。
「做細不必多問」
相反阿倫狀態大勇，妙語連珠說：「有眼睇都知係真嘢，真情流露。佢嗰日窒晒口，仲窒過修哥（胡楓）。總之我唔理任何情況下，都撐四哥，佢係我生死之交！」然後阿倫意猶未盡說：「我睇番片都覺得好好笑，真係真情流露。」阿倫抽水之餘亦有維護四哥說：「我所識嘅四哥係唔會發脾氣，佢口窒得咁犀利，修哥上身咁，肯定事出必有因。我做細嘅，不必多問。難得可以講呢句！」
合資格申請長者卡的阿倫表示一個月前已開始慶祝，正日會留給家人，而他的生日願望留給香港人：「市道好番啲啦，出面經濟唔知乜嘢前景，人人每日起身都望住個市。」記者問阿倫會不會想娛圈「和諧」？阿倫笑說：「佢哋細路仔玩泥沙，返老還童啫！」
採訪：羅慧敏
攝影：仇志德
