台灣天后蔡依林（Jolin）同男友錦榮（Vivian Dawson）久唔久就被網民野生捕獲，閃到戴黑超都擋唔到佢哋啲幸福閃光。
前日係七夕情人節，有網友野生喺日本捕獲Jolin同錦榮，見到佢哋喺藥妝店行街掃貨，Jolin着黑背心襯長褲，腰綁牛仔恤衫，戴住帽，完全冇做任何遮樣措施，大方以真面目示人；而錦榮就黑T恤襯迷彩褲、戴cap帽，一副輕鬆打扮。
據網民影嘅微博相所見，Jolin同錦榮喺護膚品櫃前有商有量，似乎研究買邊款產品好。
據知，其實Jolin同錦榮各有各忙，前者忙住開騷，幾乎個個星期都full schedule，錦榮本身都忙拍戲，但佢哋都仍然抽空時去旅行見吓面，睇嚟感情真係好穩定。