球迷今季的確幸福，四大聯賽早開「咧」，而且分在連續三星期開打，絕對有足夠時間去做功課。今個星期電視更出現德甲、西甲全部比賽有直播的情況，對球迷來說「有得揀先係老闆」，但都要識揀先可以贏錢。
用已開「咧」的英超及德甲作參考，英超20場有12場開入球「大」，而德甲九場中更加有七場開入球「大」。雖然星爺話過，「球員都係人，都會睇醫生，都會有病」，但似乎大部份球員的狀態在季初起得不錯，令入球保持在高水平。預期這兩個聯賽會繼續貢獻入球，大家不妨留意。
西甲方面，用近兩季開「咧」日「入球大細」數據比較參次，前季有八場，但上季只有兩場，各位球迷或可以看多一星期再作定奪，無謂跟錢作對。
智勝推介
新特蘭是少數開季狀態極差的球隊，相反史雲斯（右）是英超其中一支fit爆球隊；兩隊近六次交手，史雲斯兩勝四和，今場看不出他們會有落敗的空間，直取客Ｗ。
德甲法蘭克福上場負禾夫斯堡時表現不太差，入球繼續有板斧，信他們主場進攻有保證，可跟上場少少見底的奧格斯堡開出入球「大」。
STEPHEN、立民
有線球彩台智勝館主持
電郵：[email protected]