政府噚日刊憲，公佈政務主任季桑做行政會議副秘書。原本呢個任命好平常，但呢位AO季桑就一啲唔簡單，原來佢係來自福建，仲係2001年觀塘福建中學嘅9A女狀元，更重要係，佢當年曾為前特首董建華連任站台，可謂根正苗紅。
話說老董2001年宣佈角逐連任特首，當時除咗已故全國政協副主任霍英東、單車運動員黃金寶、歌手譚詠麟外，仲有季桑上台支持老董，大讚老董重視教育。季桑後來入咗中大，2006年畢業後成功考到AO，𠵱家仲做到行會副秘書，直屬特首辦，仕途可謂一片光明。難怪有官場中人話，日後要喺官場步步高陞，除咗睇成績同實力，背景都越來越重要。