已故亞洲電視前主席邱德根之子邱達昌牽頭成立的永升（亞洲），前日宣佈申請免費電視牌，並打算改台名做「新亞」，揚言會優先取錄亞視員工，似乎擺明車馬要取代亞視位置。前日亞視一班忠臣劉錫賢、蔡國威、張家瑩、徐丁，還有執行董事葉家寶，再度聚集亞視大埔總台，出席「全新財經資訊節目」記者會，宣佈未來大計。
劉錫賢隨時跳槽
自爆最近好黑仔的劉錫賢，繼日前食飯心跳停頓被送入院後，前日又撞傷頭，問可有興趣加入永升？他說：「我都希望有多個電視台，但𠵱家都係服務番亞視先，噚日（前日）同威仔（蔡國威）同亞視續咗一年約，但如果日後佢哋（永升）搵我，我都會考慮，因為呢度（亞視）好自由，無綫叫我都可以去。」
明年1月約滿的張家瑩透露想續約，家瑩說：「喺亞視做咗咁多年有感情，我都想續。過檔？未諗咁長遠，但邱生對亞視重情重義，睇到都好感動。」剛經過的葉家寶即捉住家瑩的手說：「佢一生一世㗎嘞！」家瑩笑着回答：「我嫁咗畀亞視嘞。」家寶表示未有計劃轉投「新亞」，他說：「呢段期間我喺亞視服務得好開心，最緊要睇亞視嚟緊發展，帶領住亞視，我應該會喺影視娛樂呢方面發展。」主力拍電影？他說：「係呀！新股東投資額應該係接近百億，比永升公佈更多。」分幾多年投放？他說：「都係呢幾年啦！」
採訪：盧妹
攝影：仇志德