【本報訊】昨日多次被問及如何看港視之前不獲發牌的經驗，永升（亞洲）主席邱達昌只表示，永升勝在4位股東的「子彈充實啲」，但多次讚賞港視主席王維基是個出色的製作人，隔空邀對方合作。王維基向本報表示，樂於與任何人合作，又歡迎永升申請免費電視牌，強調香港的政策是「合資格嘅人都有凳坐」。
綜觀永升4位股東，邱達昌、弘毅投資、李思廉及何超瓊分佔永升42%、28%、16%及14%股權，每位都財力雄厚，難怪邱達昌形容「子彈充實」，但他拒透露各人的出資比例。李思廉昨日稱自己僅是個小股東，受到朋友邀請才會投資永升，自己完全無理電視台發展，「冇錢賺就當蝕咗，但邱生有成功經驗！」
王：持開放態度
對於邱達昌拋出橄欖枝，王維基謙稱：「坦白講，我哋錢又唔夠人多，但我哋好樂於同任何人合作，我哋從來冇咩政治取態，只係希望多個免費娛樂選擇，對呢樣嘢（合作）我哋係持開放態度。」他又不擔心永升的申請影響港視獲牌機會，「𠵱家政策係只要你合格，無論你攞A抑或攞B，都係應該有牌照，基本上唔存在一個競爭」。
■記者石永樂、馮健鏗