練馬師呂健威馬房呢日舉行季前拜神儀式，騎師有鄭雨滇到場，不過呂健威淪為配角，風頭給兩位女士搶晒，一個就係呂健威的新徒弟蔣嘉琦，十五年來首位本港女見習騎師，威哥逐一向馬主們介紹認識嘉琦，好多馬主都爭相同嘉琦合照，極之受歡迎。嘉琦亦同馬房上下相處得融洽，有個好開始。
而拜神儀式上另一位搶晒風頭嘅女士，就係賽馬節目主持人，2011年中國小姐冠軍Jumbo曾淑雅，她及幾位朋友應「卓爾名駒」馬主文壽強邀請到場，大晒長腿。
文壽強早前從澳洲以1300萬港元購入高質自購馬，澳洲二級賽杜樂錦標亞軍「史詩傑作」（Omeros），將改名為「卓爾傳奇」，只待馬會批准，目標是四歲馬各項大賽。至於「卓爾名駒」，則會於9月16日跑谷草夜賽1650米，配楊明綸。